AAHARAMPAI AANKSHALAA

AAHARAMPAI AANKSHALAA? - by Professor Tenneti Jayaraju జీవన ప్రమాణం, మానవాభివృద్ధి, ఆర్థికాభివృద్ధిలో ఇంకా 135 స్థానంలో ఉన్న భారతదేశాన్ని ఒక అగ్రరాజ్యంగా అభివృద్ధి చేయాలని, ప్రపంచ దేశాలలో మొదటి 10లో స్థానం పొందాలని ఉరకలు వేస్తున్న దశలో యువతలో ఆహార పదార్థాల విషయంలో వైషమ్యాలను రెచ్చగొట్టి, పెత్తందారీ ధోరణులను రగుల్కొలిపే రీతిలో, మన సంస్కృతీ సాంప్రదాయాలను మళ్లించడం అత్యంత విచారకరం. ఒక పదార్థం తినదగినదా? కాదా? ఎవరు నిర్ణయిస్తారు? పూజారులా? బాబాలా? రాజకీయ నాయకులా? అనే అంశం పై చక్కటి చర్చ ఇందులో ఉంది. ఏమి భుజించాలో, ఎలాంటి దుస్తులు ధరించాలో, ఏమి చదవాలో, ఎవరిని ప్రేమించాలో అనే విషయాలు వ్యక్తిగతమైనవి. తమకిష్టమైన ఆహరం భుజించినందుకు తోటి మానవులను ద్వేషించి, అవమానించి, హింసించే అమానవీయ పోకడలను ఈ పుస్తకం తూర్పారబడుతుంది. దేశంలో ఉన్న గొప్ప పశుసంపదను శాస్త్రీయ కోణంలో వినియోగించుకోలేక పోవడం వెనకబాటుతనానికి ఒక ముఖ్య కారణంగా ఈ పుస్తకం నిరూపించింది. 20 అధ్యాయాలతో అనేక పట్టికలు, చిత్రాలు ఈ పుస్తకంలో పొందుపరచబడ్డాయి. కొత్త కోణంలో పరిశోధన సాగిస్తూ పాఠకులను ఆలోచింపచేసే అనేక అంశాలు ఇందులో ఉన్నాయి. అనేక ఆసక్తికరమైన, ఆశ్చర్యకరమైన విషయాలను విశ్లేషించింది. మొదటనుండి చివరివరకు ఆసక్తికరంగా పాఠకులను అలరింపజేస్తుంది. విశాలాంధ్ర పబ్లిషింగ్ హౌస్ చంద్రం బిల్డింగ్స్, చుట్టుగుంట, విజయవాడ-520 004